Coffee 與小強
一天早上, 見Coffee無所事事, 坐在廳中間, 而另一邊廂, 見有一小強反肚在地上, 不難想像Coffee一定是發揮了牠小狗的天性！佢立了一次大功了！ 不過, 家中還有其他昆蟲同四腳蛇潛伏, 唔知Coffee又會唔會出手呢？
發表文章
Coffee 要接受重新訓練
話說, 我們回來後已經發現Coffee的小便習慣失常了, 到今日佢仍然未肯改正過來啊! 上次提到, Coffee原本很習慣在狗廁板上小便, 但上星期我們旅行回來後, 牠開始在自己張床前的軟墊上小便。咁我同太太便重新話佢知應該要去邊度小便, 邊度唔可以。 不過, 呢個真係要長期重新教過, 因為佢而家差唔多每日都有一兩次在衫仔上或者佢張狗床上小便, 雖然在我反覆提醒後, 佢會俾面我, 在狗廁板上小便, 但而家朝朝早都要檢查一下佢張床同埋d 衫仔! 睇下要花幾耐時間先可以將Coffee教番好!
小狗失常記
外遊一星期, 將Coffee交給外父外母照顧, 回來後發現Coffee有點失常: 1. 吠叫, 預期之內, 所以預咗要再教過~ 2. 沒餵口進食, 偏食一向是Coffee的壞習慣, 外遊期間都聽說牠連狗罐頭都唔食, 回來後, 牠果然仍然食好少野~ 狗糧食好少, 要食寜願食餅乾。無辦法, 他們不合作, 老是餵牠食零食, 到食主餐當然就餵口大減, 加上人是心軟的, 怕小狗捱餓, 終於又有人偷偷餵牠小食, 那麼小狗又怎會不偏食! 3. 小便習慣。原本Coffee都很習慣在狗廁板上小便, 由細細個開始一向都沒有問題.....但回來的一天, 牠衝過來便失禁了, 算, 可能是太興奮, 快樂噓噓~ 然後, 牠一直不上廁板小便, 突然可怕的事情發生: Coffee走到自己張床前面的軟墊上, 然後伸起右後腿, 跟着就小便上去......................可惡!!!!!! 竟然在不適當地方小便, 所以唯有要教番佢, 而張軟墊就洗洗洗....... 今日, 又一直未見Coffee上廁板小便, 直到6時, 突然房門外出現了一灘尿, 明白了! Coffee失敗了, 半年都沒試過, 竟然一歲後會瀨尿.........又要花功夫清潔同教育........ 為甚麼會咁? 我的結論: 因為外父他們太過竉Coffee了, 牠吵鬧要出街, 就帶牠出去, 而且仲要好準時地小狗6點一吵就放狗! 結果, 小狗就好有規律了, 一直忍尿, 不上廁板, 到6點就吵鬧要上街, 但我們一直堅持不要俾小狗為大, 所以就出現了小狗的失敗, 所以唯有用愛心重頭來過啦!